Kishte pak kohë që nuk ishin raportuar materiale abuzive në lidhje me kafshët e keqtrajtuara dhe deri diku ishte krijuar ideja se qytetarët kishin ndryshuar sjelljen e tyre ndaj këtyre krijesave.
Por mesa duket nuk ka ndodhur aspak kështu.
JOQ ka publikuar disa pamje të rënda nga qyteti i Durrësit, ku një makinë, furgon pa targa, tërheq zvarrë një qen, i cili nuk dihet nëse është i ngordhur apo jo.
Kafsha duket që ka marrë plagë në pjesën e shpinës, për shkak të tërheqjes. Atij i janë lidhur këmbët me një tel, i cili përfundon në makinë dhe bën të mundur tërheqjen e kafshës.
