Zhvillimet e fundit në burgun e Burrelit ku një officer policie ka rënë në pranga teksa është kapur në flagrancë duke marrë para nga të burgosurit për të “siguruar” kështu një marrëdhënie më të mirë me prokurorët e çështjeve të tyre.
45-vjeçari, Alberd Xhemal Patushi mbante pozicionin e Specialistit të Trupës pranë IEVP
Institutit të Ekzekutimit të Vendimeve Penale Burrel. Ai kishte kohë që përsëriste të njëjtën “histori” me shumë prej të burgosurve.
ALPENews.al ishte ndër të parët që lajmëroi lidhur me prangosjen e Patushit.
Lajmi për Oficerin e Policisë (1)
Por sa raste të bujshme kanë patur këtë dukuri në vetvete?
ALPENews.al sjell një listë të disa prej oficerëve ose policëve të cilët kanë marrë “ryshfete” nga të tjerë në mënyrë që të funksionojnë si ndërmjetës.
RASTI 1 – 2016
Gjykata e Krimeve të Rënda vendosi masën e sigurisë “arrest me burg pa afat” për oficerin e policisë gjyqësore, në prokurorinë e Tiranës, Fatos Lushi, i denoncuar për mitmarrje.
Ndaj tij është ngritur akuza “korrupsion pasiv për gjyqtarët dhe prokurorët”.
Fatos Lushi është shpallur në kërkim nga policia dhe caktimi i masës së sigurisë sot nga gjykata u bë në mungesë të tij.
Qytetari që i dha 18 mijë euro policit gjyqësor Fatos Lushi në këmbim të lirimit të një llogarie bankare, të vënë nën sekuestro prej 2 vjetësh me urdhër të prokurorisë.
RASTI 2 – 2016
Gjyqtarja Fetahu u kap nga kamerat e një emisioni televiziv, ku gjatë një bisede me një efektiv policie, ajo kërkonte 2 mijë euro për lirimin e një të burgosuri me emrin Kristjan Leka.
Sipas videos gjyqtarja Fetahu kishte marrë një vendim, që favorizonte të pandehurin, ndërsa u shkarkua menjëherë nga KLD për ‘korrupsion pasiv’.
Pas transmetimit të filmimeve, Prokuroria e Krimeve të Rënda nisi hetimet, ndërkohë që urdhëroi dhe arrestimin e dy sekserëve, shtetasve Enver Disha punonjës policie dhe edhe ish-oficeri i burgjeve Behar Kola që bënte edhe rolin e sekserit për gjyqtarët dhe prokurorët.
RASTI 3 – 2017
Tre punonjës të Degës së Kontrollit Teknik të Automjeteve në Berat, janë arrestuar nga Sektori i Krimit Ekonomiko-Financiar në bashkëpunim me Sektorin e Shërbimit të Çështjeve të Brendshme dhe Ankesave, me akuzën e korrupsionit pasiv në Sektorin privat dhe “Falsifikim të vulave, stampave e formularëve”.
Shtetasit: A.D,59-vjeç, H.Sh,62-vjeç dhe D.K,28-vjeç, dy të parët banues në Berat dhe i treti banues në Urë-Vjagurore u arrestuan menjëherë pas vendimit të Gjykates se Shkallës së Parë Berat,e cila më date 26 Janar 2017, caktoi masën e sigurisë “arrest me burg” për veprat penale të sipërpërmendura.
Zaçe Kajo, 44-vjeç,me detyrë “punonjës policie” në Komisariatin e Policisë Skrapar, akuzohet për “Shpërdorim Detyre”, “Përkrahje e Autorit të Krimit” dhe “Ushtrim i Ndikimit të Paligjshëm”.
RASTI 4 – 2017
Policia arrestoi oficerin e policisë së burgjeve 50-vjeçarin Behar Kola, i cili gjatë një videoregjistrimi, u shfaq duke marrë 3.500 euro për të ndërhyrë tek një gjyqtare dhe prokurore në Gjykatën e Elbasanit për të liruar një të paraburgosur.
50-vjeçari Kola kishte rolin e sekserit, ndërsa mbi këtë të fundit rëndon akuza për veprën penale të “Ushtrimi i ndikimit të paligjshëm ndaj personave që ushtrojnë funksione publike”, “Korrupsioni aktiv i Gjyqtarit, Prokurorit dhe i funksionarëve të tjerë të drejtësisë” dhe “Korrupsioni pasiv i Gjyqtarit, Prokurorit dhe i funksionarëve të tjerë të drejtësisë”.
RASTI 5 – 2018
Në datë 06 korrik 2018, ora 21:00 nga ana e SHKBSB është bërë ndalimin i oficerit Alberd Xhemal Patushi, 45 vjeç, lindur dhe banues në Burrel, i cili aktualisht mbante detyrën e Specialistit të Trupës pranë Institutit të Ekzekutimit të Vendimeve Penale Burrel.
Shtetasi Alberd Patushi duke përfituar nga pozicioni i punës iu ka marrë disa të dënuarve në IEVP Burrel shuma të konsiderueshme parash, duke iu premtuar atyre ndikimin tek funksionarë të sistemit të drejtësisë, për të fituar lirinë në mënyrë të kundraligjshme.
/AlpeNews.al
