Madridi i përgjigjet me dorë të hekurt shpalljes së pavarësisë nga Katalonja, duke shpërndarë parlamentin e rajonit dhe shpalli zgjedhjet e reja më 21 dhjetor.
Deri tani ka bërë të njëjtin veprim si Serbia e Sllobodan Milosheviçit, kur i hoqi statusin e autonomisë Kosovës, në vitin 1989.
Por natyrisht jo në atë sens dhune, të paktën deri tani.
Gjithashtu janë shkrirë të gjitha institucionet rajonale si presidenti Carles Puigdemont dhe krerët e tjerë të Katalonjës.
Ndërkohë SHBA dhe BE kanë bërë të ditur se interlokutor i tyre është vetëm Spanja e bashkuar dhe jo një entitet i ri politik.
Kryeministri i Spanjës, Mariano Rajoy, e ka cilësuar shpalljen e pavarësisë si një “akt kriminal” dhe përkrahësit e saj rrezikojnë deri në 30 vjet burg.
Në deklaratat e tyre Brukseli dhe Uashingtoni i kanë shpallur të drejta vendimet e qeverisë qëndrore.
Ndërkaq njerëzit janë nëpër rrugët e Barcelonës për të festuar pavarësinë e Katalonjës, duke bërë të ditur se nuk do të lejojnë që të shtypet vullneti i tyre.
Ndërkaq, kryeministri spanjoll ka bërë thirrje për qetësi dhe të mos të ketë eksese.
