“Nuk jam në favor të një marrëveshje të gjerë tregtare me SHBA pasi duhen sinjale të qarta mbi temat e tarifave mbi çelikun dhe aluminin mbi të cilat janë aplikuar taksa të paligjshme Amerikan”, deklaroi presidenti francez, Emmanuel Macron duke iu përgjigjur pyetjes mbi takimin midis Donald Trump dhe Jean-Claude Juncker.
“Nuk jam në favor që bujqësia të hyjë në këto debate dhe asnjë standard europian nuk duhet jetë i cënuar dhe i prishur përsa i përket temave ambientale, ushqimore dhe sanitare”, shtoi Macron, në krah të kryeministrit spanjoll Pedro Sanchez.
”Debati mes presidentit të SHBA dhe atij të Komisionit Evropian mund të jetë i dobishëm nëse arrin të largojë tensionet”, u shpreh Macron.
