Aktori i njohur Luftar Paja, duke folur në bashkëbisedimin e organizuar nga kryebashkiaku Veliaj për Teatrin Kombëtar, ka thënë se debati po bëhet për gjëra anësore.
“Teatri nuk është llaç e tulla.
Ne po merremi sa metra do të jetë dhe sa llaç e tulla duhet, ndërkohë që nuk po merremi me llaçin që bëjmë ne vetë.
Unë jam për një tetar të ri, sa dhe si duhet të jetë ai, unë nuk e di si do jetë”, tha Paja.
Ndërsa Reshat Arbana ka thënë se Teatri i ri Kombëtar duhet të qendrojë aty.
Por sipas tij, duhet të ketë konsensus për ndërtimin e Teatrit të ri, pasi nuk mund të punohet në atë që është.
“Isha në dhjetor për një shfaqje dhe nuk rrihej aty nga i ftohti, si nga ne, ashtu dhe nga spektaktorët.
Merrni arkitektët dhe zgjidheni këtë punë.
Por ato kullat që thuhet se do bëhen, duket sikur do të na bien në kokë e do të na zënë frymën”, tha Arbana.
