Një tjetër gjeneral rus ka ndërruar jetë në fushë betejë. Sipas mediave shtetërore ruse, bëhet fjalë për gjeneralin Roman Kutuzov. Ky i fundit u vra duke udhëhequr një sulm në një vendbanim ukrainas në rajon.
Ushtria e Ukrainës konfirmoi gjithashtu vrasjen e gjeneralit Kutuzov, pa dhënë detaje të mëtejshme rreth rrethanave.
Deri më tani, Moska ka konfirmuar vdekjen e tre gjeneralëve të lartë. Kievi pretendon se ka vrarë 12 gjeneralë dhe zyrtarët e inteligjencës perëndimore thonë se të paktën shtatë komandantë të lartë janë vrarë.
