SHBA ndaloi një dërgesë armësh për Izraelin javën e kaluar për shkak të shqetësimeve të operacionit tokësor të afërt në qytetin jugor të Gazës, Rafah, ka thënë sekretari amerikan i Mbrojtjes Lloyd Austin, sipas Financial Times.
Uashingtoni nuk ka vendosur për fatin përfundimtar të armëve, por është i shqetësuar për përdorimin e tyre të mundshëm në qytetin palestinez, thuhet të ketë thënë shefi i Pentagonit në një seancë dëgjimore në Kongres.“Ne do të vazhdojmë të bëjmë atë që është e nevojshme për të siguruar që Izraeli të ketë mjetet për të mbrojtur veten,” tha Austin, duke shtuar “Por thënë këtë, ne aktualisht jemi duke shqyrtuar disa dërgesa afatshkurtër të ndihmës për sigurinë në kontekstin e ngjarjeve që po zhvillohen në Rafah.”
Ai vuri në dukje se nuk kishte një përcaktim përfundimtar se cili do të ishte fati i armatimeve.
Vërejtjet e shefit të Pentagonit vijnë pasi tanket dhe trupat izraelite hynë në lagjet lindore të Rafah të hënën mbrëma, duke pushtuar pikëkalimin kryesor kufitar midis Gazës dhe Egjiptit. Kjo u parapri nga sulmet ajrore në qytetin me popullsi të dendur.
