Forcat ukrainase kanë rifituar rreth 20 km katror territor nga forcat ruse rreth qytetit lindor të Bakhmut ditët e fundit, deklaroi të martën zëvendësministrja e Mbrojtjes e Ukrainës, Hanna Maliar .
Ajo njoftoi në aplikacionin e mesazheve Telegram se forcat ruse kishin avancuar brenda qytetit, ndërsa luftimet e ashpra po vazhdojnë mes palëve.
“Armiku po përparon disi brenda Bakhmutit, duke shkatërruar plotësisht qytetin me artileri”, u shpreh ajo.
Sipas saj forcat ruse në këtë rajon kanë një avantazh në sasi municionesh si edhe në trupa ushtarake.
