Një tjetër natë sulmesh ruse kundër qyteteve ukrainase. Më i prekuri ishte qyteti i Kharkiv. Të paktën 5 viktima, përfshirë edhe një fëmijë 18-muajsh.
“Më i fuqishmi që nga fillimi i luftës”, e cilësoi kryebashkiaku i Kharkivit. Raketa dhe dronë gjithashtu kundër Dnipro dhe Ternopil.
“Ata i dhanë Putinit një arsye për të bombarduar. Shpresoj që lufta të mos bëhet bërthamore”, tha ai.
Për sanksionet kundër Moskës gjithashtu ishte i prerë:
“Po, nëse është e nevojshme.”
Por nata nuk kaloi aspak e qetë për Kievin dhe qytetet e tjera, që ishin nën alarmin e bombardimeve ruse.
Gjithashtu Moska u ndje nën sulmin ukrainas, teksa njoftoi se kishte rrëzuar 36 dronë.
“Natën kur Moska sulmoi dhunshëm Kharkivin, sistemet ruse të mbrojtjes ajrore interceptuan dhe shkatërruan 36 dronë ukrainas, raportoi Ministria e Mbrojtjes, duke shpjeguar se rajonet e prekura ishin Kursk, Bryansk, Kaluga, Smolensk dhe Moska”, informon “La Repubblica”.
Por sulmet ruse lanë viktima në civilë, mes tyre edhe një foshnjë.
“Kharkivi po përjeton aktualisht sulmin më të fuqishëm që nga fillimi i luftës në shkallë të plotë”, shkroi kryebashkiaku Igor Terekhov në Telegram, duke përshkruar një breshëri raketash, dronësh dhe bombash të drejtuara që godisnin njëkohësisht. “Të paktën 40 shpërthime u dëgjuan në qytet brenda një ore e gjysmë dhe kërcënimi nga dronët mbetet.”
Më i prekuri duket të jetë Kharkiv, i shënjestruar nga dronë, raketa balistike dhe bomba dy-tonëshe të hedhura nga avionët luftarakë Sukhoi: pati tridhjetë e gjashtë shpërthime dhe një apartament në flakë. Raketa dhe dronë gjithashtu kundër Dnipro dhe Ternopil. Në Kievalarmi u ngrit dy herë, por para agimit shpërthyen vetëm avionë me bomba të telekomanduara.
Presidenti amerikan ka qenë i drejtpërdrejtë, duke iu trembur edhe një lufte bërthamore, teksa kritikoi sulmet ukrainase në thellësi të Rusisë, si ai “Rrjeti i merimangës” ku u goditën bazat ajrore dhe në urën e Krimesë më pas.
“Ata i dhanë Putinit një arsye për të hyrë dhe për t’i bombarduar”, u tha ai gazetarëve. “Kjo është ajo që nuk më pëlqeu. Kur e pashë”, shtoi ai, “mendova: tani do të ketë hakmarrje”.
Më tej ai tha se shpresonte që lufta midis Ukrainës dhe Rusisë të mos shndërrohet në një luftë bërthamore
“Shpresoj që jo”, iu përgjigj ai pyetjeve të gazetarëve që e ndiqnin dhe e pyetën për rrezikun e një lufte bërthamore.
