Katedralja ortodokse e Odessa, një vend i trashëgimisë së UNESCO-s, është goditur. Për të katërtën natë radhazi rusët granatuan qytetin port të drithërave.
“Janë të paktën 18 të plagosur, mes tyre katër fëmijë dhe një i vdekur”, raporton Oleg Kiper, kreu i administratës ushtarake të Odessa, në lidhje me sulmin me raketa që ndodhi në orën 3 lokale.
Nga imazhet që kanë filluar të qarkullojnë në internet, katedralja në qendër të qytetit është dëmtuar rëndë gjithashtu: e ndërtuar në 1794, e shkatërruar nga Stalini në 1936 dhe e rindërtuar më vonë, ajo është një vend i trashëgimisë së UNESCO-s.
Odesa’s main Orthodox cathedral. Established in 1794, destroyed by Stalin in 1936, rebuilt under an independent Ukraine and destroyed again by Putin in 2023. One of several historical parts of central Odesa, a UNESCO world heritage site, hit by Russian missiles strikes today. pic.twitter.com/X9BvICUbQ4
— Yaroslav Trofimov (@yarotrof) July 22, 2023
Anton Cherepennikov, pronar i IKS Holding ruse, një milioner me lidhje me shërbimet sekrete ruse, ka vdekur. Ai ishte 40 vjeç. Shkak i vdekjes, sipas burimeve zyrtare, ishte arresti kardiak: burri u gjet i vdekur të shtunën në zyrën e tij. IKS Holding i Cherepennikov është kompania më e madhe në Rusi në fushën e sigurisë kompjuterike dhe të ashtuquajturave ‘sisteme operative-hetuese’ (përgjime). Kompania e tij u shërben strukturave ruse të zbatimit të ligjit dhe, sipas gazetës ruse Novaya Gazeta, është përdorur nga FSB, shërbimet federale të sigurisë, për të kryer përgjime të civilëve në të gjithë vendin.
Duke komentuar lajmin për vdekjen në Twitter, këshilltari ukrainas për punët e brendshme Anton Gerashchenko shkroi: “Edhe një vdekje misterioze e një menaxheri të lartë në Rusi”.
Vdekja e Cherepennikov është e dyta e një figure të lidhur me rrethin e Putinit, brenda disa orësh. Ditët e fundit, oligarku miliarder Igor Kudryakov, një ish-zyrtar qeveritar dhe biznesmen i pasur, u gjet i pajetë në banesën e tij në Moskë.
