Shtetet e Bashkuara kamë deklaruar se Ukraina po konsolidon integrimin e saj progresiv në “strukturat perëndimore” dhe theksuan se anëtarësimi i saj në Aleancë, samiti i së cilës do të mbahet në Uashington në korrik, është një proces “i pakthyeshëm” që kërkon reforma nga Kievi.
Shefi i Çështjeve Evropiane në Departamentin e Shtetit, James O’Brien, deklaroi në një konferencë për shtyp se, pas samitit të NATO-s dhe me procesin e anëtarësimit në BE që vazhdon të avancojë, “Ukraina po integrohet plotësisht në strukturat e Perëndimit që qeveria dhe njerëzit e saj kanë thënë se duan.”
“Ukraina do të vazhdojë të bëjë reformat që i duhen dhe që është zotuar të bëjë si pjesë e planit të saj vjetor me NATO-n, si dhe marrëveshje të tjera, dhe në këtë kontekst ne shohim se lëvizja e saj drejt Aleancës është e pakthyeshme”, tha ai, duke nënvizuar se diskutimi për këtë anëtarësim progresiv do të jetë pjesë e rëndësishme e takimeve.
