Kreu i grupit rus “Wagner”, Prigozhin ka deklaruar se luftimet për kapjen e Bakhmut dëmtuan rëndë forcat ushtarake të grupit.
“Beteja për Bakhmut për fat të keq, ka dëmtuar rëndë edhe grupin privat ushtarak Wagner”, tha Prigozhin.
Ndërkohë Rusia ka pezulluar ndarjen e informacionit për forcat e saj bërthamore me SHBA-në, duke përfshirë njoftimet për testeve e raketave.
Zëvendësministri i Jashtëm rus, Sergei Ryabkov tha se të gjitha shkëmbimet e informacionit me Uashingtonin janë ndalur, pasi Kremlini ndaloi pjesëmarrjen e tij në paktin e fundit të mbetur të armëve bërthamore me SHBA.
