Presidentët Donald Trump dhe Vladimir Putin do të zhvillojnë një bisedë telefonike këtë të hënë rreth orës 16:00 me orën lokale. Uashingtoni dhe Kremlini konfirmojnë se dy liderët do të bisedojnë për luftën në Ukrainë dhe çështje të tjera globale.
Zëdhënësi i Kremlinit, Dmitry Peskov, në një konferencë për shtyp dha detaje: “Në orën 17:00 (16:00 sipas kohës italiane) do të ketë një bisedë telefonike me Trumpin, siç e njoftoi ai pardje. Sigurisht, biseda është e rëndësishme duke pasur parasysh bisedimet e Stambollit”.
Ai shtoi se një takim i mundshëm midis Putin dhe Trump “varet nga dy udhëheqësit”.
“Trump do të ishte “i hapur ndaj mundësisë” së një takimi ballë për ballë me homologun e tij rus, Vladimir Putin”, u tha gazetarëve zëdhënësja e Shtëpisë së Bardhë, Karoline Leavitt, përpara telefonatës midis dy presidentëve.
