Zyrtarët ukrainas kanë konfirmuar se një avion rus është rrëzuar në periferi të qytetit verior të Ukrainës, Chernihiv, ku ka pasur luftime intensive prej gati një jave.
Shërbimi Shtetëror i Emergjencave të Ukrainës (SES) thotë se avioni u rrëzua në një zonë të banuar, por nuk dihet ende nëse ka viktima.
Përplasja shkaktoi zjarr në katër shtëpi private.
Qytetarët banorë të kësaj zone nisën evakuimin pasi u gjetën tre bomba 500 kilogramëshe, thanë Emergjencat e Ukrainës.
Autoritetet ukrainase thanë se 17 civilë u vranë në rajonin e Chernihiv gjatë 24 orëve të fundit, deri mëngjesit e të shtunës si rezultat i bombardimeve ruse.
CNN raporton se nuk mund të konfirmojë në mënyrë të pavarur numrin e vdekjeve.
Sipas Administratës Shtetërore Rajonale të Chernihiv, “nga 4 marsi dhe natën duke u gdhirë 5 marsi, avionët rusë bombarduan pa ndalur Chernihiv, kryesisht zonat e banuara”.
