Një luftë midis klaneve rivale të trafikut të drogës. Ky është sipas hetuesve italiane motivi për atentatin ndaj 38 vjeçarit shqiptar, Selavdi Shehaj, i cili u qëllua të dielën e kaluar me dy plumba gjatë një prite në një plazh në Torvaianica.
Shqiptari i qëlluar para dhjetëra pushuesve në kopleksin “Bora Bora”, vdiq mbrëmjen e djeshme. Gjakderdhja e brendshme bëri që ai të mos mbijetonte, shkruajnë sot mediat italiane.
Tashmë i njohur për policinë për tregtinë e drogës, shqiptari ishte i lidhur me disa personazhe të arrestuar gjatë operacionit “Grande Raccordo Criminale” të cilët ishin pjesë e të ashtuquajturës “banda e Diabolik”.
Hetimet nga Drejtoria e Rrethit Anti-Mafia e vendosin ekzekutimin në kontekstin e një grindjeje midis grupeve të trafikantëve italianë të drogës dhe kriminelëve të huaj që duan të marrin përsipër tregun e drogës në kryeqytet dhe në brendësi. “Ata vepruan për hakmarrje”, thotë një hetues.
Ka pasur disa ekzekutime në muajt e fundit gjithmonë kundër trafikantëve të drogës nga Evropa Lindore, disa prej të cilave janë shumë afër me këtë të fundit, siç është ai në Via Muccia në San Basilio dhe ai në Fidene.
Për karabinierët, dinamika e pritës – e përshkruar tashmë pjesërisht nga disa dëshmitarë okularë që kanë dhënë një përshkrim të vrasësit – është shumë e qartë. Kur vrasësi u afrua dhe thirri Selavdi me emër, ai gjuajti me dy plumba të kalibrit 7.65, nga disa metra larg që i shpuan shtyllën kurrizore.
Por ka diçka të re: një sekret i veçantë në lidhje me përshkrimin e disa tatuazheve.
Ekzekutimi fillimisht ishte i pasuksesshëm, sepse Shehaj vuri re vrasësin, i cili ishte afruar shumë dhe u përpoq të arratisej. Komplikimet në spital bënë pjesën tjetër.
