Policia Shqiptare është vlerësuar me dy çmime të para nga SELEC, Rumani (Qendra e Zbatimit të Ligjit për Europën Juglindore), në mirënjohje për arritjet e rëndësishme në luftën kundër kultivimit të lëndëve narkotike.
Duke vlerësuar profesionalizmin dhe aftësitë e Policisë Shqiptare si operacioni policor më i suksesshëm është vlerësuar operacioni antidrogë “KOORDINIMI”.
Me çmimin e dytë nga SELEC është vlerësuar operacioni “ALIAS”, zhvilluar nga Policia Shqiptare në bashkëpunim me Policinë Greke dhe Maqedonase, me mbështetjen e SELEC-ut dhe DEA-s në Greqi.
Operacioni “ALIAS” në muajin prill të këtij viti konkludoi gjatë gjithë fazave të tij me procedimin e 31 personave nga të cilët 27 prej tyre të arrestuar, dhe 4 të proceduar në gjendje të lirë.
Si rezultat i këtij operacioni u sekuestruan 251 kg e 418.29 gr Cananbis, 425 fara kanabisi, 1 kg e 30 gr heroinë. 247.3 gr kokainë, 3140 euro, 25000 lekë, 3 automjete, 10 telefona celularë.
Vetëm në Shqipëri u sekuestruan 166 kg e 58.2 gr cannabis, 1 kg e 30 gr heroinë, 247.3 gr kokainë dhe 2100 euro.