Në përpjekje për të vënë nën kontroll pandeminë e shkaktuar nga COVID-19, një lajm i habitshëm vjen nga Seuli, ku deklarohet se vendi do t’u japë qenve dhe maceve shtëpiake teste falas për koronavirus nëse ato bien në kontakt me njerëz të infektuar dhe shfaqin simptoma.
Zyrtari i Seulit Park Yoo-mi tha në një konferencë se kafshët shtëpiake të infektuara me COVID-19 duhet të karantinohen në shtëpitë e tyre ose në një strukturë të drejtuar nga qyteti për 14 ditë.
Qeveria qendrore javën e kaluar bëri publike udhëzimet për testet e virusit në kafshët shtëpiake, pasi një mace në qytetin juglindor të Jinju u bë kafsha e parë e vendit e konfirmuar me COVID-19. Macja i përket një nëne dhe vajze që ishin në mesin e dhjetëra pacientëve të konfirmuar me COVID-19.
Zyrtarët janë të gatshëm të kryejnë teste falas të kafshëve shtëpiake duke filluar nga dita e sotme.
Megjithatë nuk ka ende asnjë provë nëse zyrtarët e Seulit deklarojnë se nuk ka ende asnjë provë që kafshët transmetojnë virusin tek njerëzit. Ata thonë se autoritetet do të testojnë kafshët shtëpiake, jo të gjitha kafshët, sepse ato janë në kontakt të ngushtë me njerëzit.
Qeveritë e tjera lokale planifikojnë të fillojnë teste të ngjashme për kafshët shtëpiake në përputhje me udhëzimet e qeverisë qendrore.
