Shtetet e Bashkuara të Amerikës i kanë ofruar një tjetër ndihmë Shqipërisë në luftën kundër pandemisë.
Me anë të një postimi në ‘Facebook’ ambasada shkruan se në Shqipëri kanë mbërritur 3500 komplete testimi për COVID të financuara nga qeveria amerikane.
Kështu këto testime do të ndihmojnë në zbulimin e rasteve si dhe në gjurmimin e të prekurve me Covid-19.
Njoftimi i ambasadës:
3.500 komplete testimi për COVID të financuara nga qeveria amerikane, kanë mbërritur në Shqipëri dhe janë dorëzuar në ISHP! Këto komplete testimi janë pjesë e kontributit të përgjithshëm Amerikan për të mbështetur reagimin e Shqipërisë ndaj COVID-19. Duke punuar me Ministria e Shëndetësisë dhe Mbrojtjes Sociale të Shqipërisë këto komplete testimi do të ndihmojnë në zbulimin e rasteve si dhe gjurmimin e rasteve te lidhura me to.
