Lufta mes Sali Berishës dhe Lulzim Bashës duket se është transferuar edhe në rrjetet sociale.
Specialisti i komunikimit në rrjetet sociale, Blerim Gjeladini, deklaroi mbrëmjen e djeshme se kanë kapur një anomali në rrjetin social ‘Facebook’ të kryedemokratit Lulzim Basha.
Ai u shpreh se brenda një dite Bashës i janë rritur ndjekësit duke u shtuar me 54 mijë brenda një dite.
“Është diçka që duhet të cekim për Bashën, kemi kapur një anomali në politikën shqiptare, pasi një politikani i janë arritur 54 mijë ndjekës brenda një dite, që supozohet se janë blerë jashtë”, tha Gjeldaini.
Aktualisht Lulzim Basha ka në Facebook më shumë se 656 mijë ndjekës, ndërkohë që Berisha ka gati dyfishin e tij.
Megjithatë ngë zyra e shtypit e Bashës kanë reaguar pas deklaratave të Gjeladinit, se kreu i PD ka blerë fansa.
Desada Metaj ka publikuar një postim të bërë nga Gjeladini pak kohë më parë, për të treguar se ai nuk është ekspert i pavarur, por me Ramën.
Problemi është nëse i ka blerë apo jo Basha ndjekësit në Facebook, jo me kë është Gjeladini, me Ramën, Bashën apo Berishën.
