Lëvizja Socialiste për Integrim ka replikuar në distancë me ambasadorin amerikan në Tiranë, Donald Lu, që tha se Arbër Çekaj mund të quhet një “peshk i madh”, pasi iu sekuestruan plot 613 kg kokainë.
Sipas Petrit Vasilit, ai është thjesht një cironkë, ndërkohë që “peshqit e mëdhenj” janë tjetërkush.
“Prokuroria të zbardhe se pse qeveria mbrojti peshkaqenët e mëdhenj te 613 kg kokainës ne këmbim te disa cironkave.
Pse nuk heton prokuroria se për ç’qellim kryeministri beri deklarata krejt te kundërta ne raport me ministrin e brendshëm për bashkëpunimin me partneret ndërkombëtare.
Pse prokuroria nuk flet dhe nuk arreston sabotuesit e zbulimit te peshkaqeneve te medhenj te rrjetit kriminal te 613 kg kokaine apo 180 milion euro dhe devijimit te vemendjes drejt cironkave,qe e lene rrjetin kriminal te paprekur dhe i hedhin hi syve opinionit publik.
Pse nuk heton kush e lejoi kete Arber Çeken te ikte nga Shqiperia kur kish dyshime, precedente etj etj…
Pse nuk heton prokuroria se pse qeveria ne momentin e zbulimit te droges nuk kerkoi pranine e sherbimeve partnere nderkombetare per vazhdimin e operacionit me qellimin e vetem zbulimin e rrjetit kriminal dhe peshkaqeneve te vertete dhe jo cironkave te lena enkas.
Zbardhja e ketyre ceshtjeve eshte vija ndarese mes nje prokurorie qe lufton pa kompromis drogen,qe godet peshkaqenet dhe jo cironkat dhe asaj prokurorie qe behet bisht i qeverise qe mbron trafikun e droges dhe peshkaqenet drejtues te saj”, shkruan Vasili.
