Pasditen e sotme është mbledhur grupi parlamentar i partisë socialiste. Në fjalën e tij deputeti Taulant Balla është shprehur se Kryetari i KQZ Klement Zguri ka shkelur ligjin duke mos i hequr mandatin Agron Kapllanajt, kreut të bashkisë Malalkastër. Balla thekson se Kapllanaj ka qenë i dënuar më parë me dy vite burg për vjedhje.
“Që një i zgjedhur që përsëri është i propozuar nga PD, merret në mbrojtje edhe institucioni që ka për detyrë të marrë vendime për gjetjen e zbatimit te ligjit te dekriminalizimi…jemi njohur me një procedurë tërësisht joligjore që ka në të bëjë me veprimet e kryetarit të KQZ Klement Zguri. Dosja e Prokurorise italiane konfirmon se Agron Faslli Kapllanaj me funksion kryetar i bashkisë Mallakastër eshte denuar me 2 vjet burg per vjedhje. Kryetari i KQZ vendosi të fshehë e të arkivojë vendimin e prokurorisë së përgjithshme, me bindje, me dashje, me urdhra politikë nuk e shqyrtoi brenda 10 ditëshit.
Grupi parlamentar i PS e ka ndjekur këtë procedurë në rrugë ligjore, kjo cësthje i ka kaluar KQZ por duke konstatuar që në zyrtar i lartë i KQZ shkel zbatimin e ligjit të dekriminalizimit jemi të detyruar të kërkojmë shkarkimin e kryetarit të KQZ.
Do fillojmë që sot procedurat për shkarkimin e kryetarit Klement Zguri”, tha Balla.
Zguri mori detyrën në bazë të marrëveshjes politike Rama-Basha më 18 Maj, që i hapi rrugë futjes së opozitës në zgjedhjet e përgjitshme.
Në fjalën e tij kreu i vendit Edi Rama u shpreh: “Për PD dhe LSI ligji lexohet ndryshe”.
“Fakti që ai ka në xhep teserën e PD nuk e bën të jetë mbi ligjin”,- tha kryeministri.
Sipas Ramës, duke kërkuar shkarkimin e Zgurit do t’i hapet rrugë më pas edhe shkarkimit të kryebashkiakut të Mallakastrës, i dënuar në Itali.
/AlpeNews.al/
MBLEDHJE E GRUPIT PARLAMENTAR PS
Posted by Edi Rama on Montag, 13. November 2017
