Kryeministri Edi Rama ka vijuar serinë e takimeve me Bajram Currin. Takimi është hapur nga deputeti Ilir Beqaj, ndërsa është prezantuar kandidati Rexhë Biberaj.
Tropoja njihet si një bastion i djathtë dhe si vendlidndja e Sali Berishës.
Me tone pozitive, kryeministri Rama ka shprehur vlerësimin e tij për kreun aktual të Bashkisë Tropojë pavarësisht se i përket Partisë Demokratike.
“Me të kemi bërë disa punë të mira ndaj dua ta veçoj. Por më vjen keq që nuk është në garë jo për fajin e tij, por për shkak të grupimit të filxhanit.
Në këtë qytet unë kam qenë si student, kur kam bërë praktikën gjatë muajve të verës. Kisha një mik piktor këtu, Nazmi Hoxhën dhe që atëherë jam dashuruar me bukuritë mahnitëse të këtij vendi” – tha Rama.
Ai u shpreh se Tropoja do të jetë porta e turizmit malor dhe se bukuritë e fjetura do të kthehen në burim pasurie për njerëzit.
