Starton Kongresi i PS! Formati i këtij viti është ndryshe nga ai tradicional që është ndjekur prej vitesh pasi do të ketë një numër panelesh të shtrira jashtë sallës së Kongreseve. Delegatët do të jenë të ndarë në 3 panele të ndryshme që do të vendosen në Pallatin e Kongreseve, sheshin “Nënë Tereza”, si dhe në sheshin “Italia”.
Faza e parë e Kongresit do të nis në orën 09:30. Në pjesën e jashtme të Pallatit të Kongreseve, do vendosen disa tavolina të rrumbullakëta. Përfaqësues të PS, do të zhvillojnë takime me anëtarë e qytetarë kryesisht mbi problematikat aktuale, pjesë e tryezave përkatëse, do të jenë edhe ministrat sipas fushave.
Ky diskutim, që pritet të shtrihet ne disa sheshe kryesore, do të zgjasë rreth 3 orë, ndërsa më pas në orën 12, nis faza e dytë e punimeve e cila do të shënojë hapjen punimeve nga Damian Gjiknuri. Një pjesë të rëndësishme në kongres do ta marrë Këshillimi Kombëtar, rezultate e procesit dhe perspektiva e tyre.
Pjesa e dytë nis në orën 12:00 me fjalën e Sekretarit të Përgjithshëm, Damian Gjiknuri, mbi pjesën organizative dhe politike të PS. Më pas do të ketë prezantime nga Elisa Spiropali, Ditmir Bushati e Taulant Balla. Pas tyre do të flasë kryeministri Edi Rama.
