Kryeministri Edi Rama në mbledhjen e sotme të Grupit Parlamentar të Partisë Socialiste paralajmëroi nisjen e një tjetër aksioni kombëtar, rrënjësor siç tha ai, siç ishte ai për prerjen e lidhjeve të paligjshme të energjisë elektrike.
Sipas kreut të mazhorancës do të nisë së shpejti prerja masive e lidhjeve të paligjshme të ujit dhe për këtë po hartohet një reformë e posaçme. “Ka ardhur koha që uji të shihet si mall dhe të kursehet”,- shtoi ai.
“Pas energjisë elektrike, tani është koha të bëjmë shtet në sektorin e ujit. Ne do ti japim kohë disa muaj të gjithë atyre që vjedhin ujin duke përfituar nga lidhjet e paligjshme, duke nxjerrë zorrët në dyqane për të ujit rrugën, që të rregullojnë gjendjen e tyre, dhe në fillim të vitit të ardhshëm nis penalizimi për të gjithë ata që kujtojnë se uji mund të përdoret si është bërë deri sot. Do nisin prerjen masive të lidhjeve të paligjshme, njësoj si me energjisë po përgatisim në bashkëpunim me Financat së bashku me Infrastrukturën e Energjisë paketën e mbrojtjes sociale dhe ata në ndihmë ekonomikë të mos ndiejnë një barrë të shtuar atë të tarifës së ujit”- tha Rama.
Sipas tij, Shqipëria sot harxhon 3 fishin e ujit të pijshëm që ka nevojë. “Mjafton që uji të shitet si mall, të kursehet për derdhjet e panevojshme dhe jo vetëm ka për të gjithë, por është i aksesueshëm nga pikëpamja financiare”- tha ai.
/AlpeNews.al/
ERTV Live😊: Projekt-buxheti 2018 prova e parë e një mandati rritjeje ekonomike dhe punësimi real
Posted by Edi Rama on Montag, 30. Oktober 2017