LIVE/ Laçi-Flamurtari, Përfundon pjesa e parë. Vlonjatët të tërhequr

Laçi dhe Flamurtari përballen ditën e sotme në kuadër të javës së 25-të të kampionatit. Starova debuton në krye të kurbinasve pas largimit të Prengës.
Nga ana tjetër vlonjatët, kërkojnë pikë të vlefshme ndaj një rivali direkt për Europën, edhe pse statistikat i ka kundër në Laç. Daja do të ketë mungesë Bathën për shkak kartonësh, ndërsa Starova me vetëm 2 ditë në dispozicion, pritet të ndryshojë sistemin e lojës.
LIVE/ LAÇi-FLAMURTARI 0-0
KOMENTI
45+1′ Përfundon pjesa e parë 
45′ 1 minutë shtesë nga arbitri i katërt.
43’ Regi Lushkja futet nga qendra në të majtë, provoj me të majtën drejt portës së Koliçit por topi përfundon ngjitur me shtyllën e djathtë pungule të portierit.
42’ 4-0 goditjet nga këndi për vendasit, kroson Mane, por asnjë rrezik për mbrojtjen vlonjate.
37’ Karton i verdhë për Najdenov pasi pengon Rrapajn që po kapte në kundërsulm mbrojten e Laçit pas një krosimi të vendasve.
33′ Më mirë kurbinasit në këto minuta loje, por pa e rrezikuar seriozisht Koliçin. Vlonjatët asnjë rast për tu shënuar. Vendasit kontrollojnë lojën.
26’ Pas një devijimi nga Veliu topi shkon te Xhixha, i cili godet fort në portë, por kontrollon Koliçi. Një gjuajtje qëndrore, ku mund të bënte më mirë sulmuesi…
23’ Kale nga e majta futet në zonën kurbinase, por e mbyll Gjoni. Nëse pasimi do të mbërrinte te Sukaj ishte një gol i sigurt.
19’ Elton Kale ul mirë një top të gjatë, provon drejt portës, por është shumë larg kuadradit.
12’ Shtubina pretendon për një penallti pas një pengimi në zonë nga Kotobelli. Nuk është i këtij mendimi Koçi.
10’ Ekipet po studiojnë njëra tjetrën. Shumë duele në mesfushë dhe asnjë ngacmim në portat respektive.
4’ Goditja e parë nga këndi i përket vendasve, megjithëse nuk sjell asnjë rrezik për Flamurtarin. Në këtë start Laçi ka epërsi territoriale ndaj vlonjatëve.
1′ Nis sfida.