Sërish Lindsey Vonn e para, sërish Sofia Goggia e dyta. Gara e sotme e zbritjes së lirë për femra në ski, e vlefshme për Kupën e Botës dhe zhvilluar në pistën gjermane të Garmisch, përsëriti të njëjtin rezultat si një ditë më parë. Fituese doli skiatorja amerikane Vonn, që ishte më e shpejta në pistë dhe pas saj renditet sërish rivalja italiane, Goggia. I vetmi që ndryshoi nga 24 orë më parë ishte vendi i tretë, ku u klasifikua skiatorja Tina Weirather e Lihtenshtejnit.
Vonn konfirmoi se po kalon një moment të mirë, duke dhëhnë kohën e përgjithshme 1’37”92 pas dy zbritjeve, suksesi i 81-të në karrierë. Sukses që e bën skiatoren amerikane pretendente për medaljen e artë në këtë disiplinë në Lojërat Olimpike “Pyengchang 2018”, që nisin pas 5 ditësh në Korenë e Jugut. gara e sotme ishte e fundit në program para Olimpiadës. Për sa i përket renditjes së përgjithshme të Kupës së Botës, vijon të udhëheqë amerikania Mikaela Shiffrin me 1513 pikë.
