Sipas Kryeparlamentarit Kadri Veseli, qytetarët e vendit brenda këti viti do të mund të lëvizin pa viza në Zonën Schengen. Votimin e Komitetit LIBE, pro liberalizimit ai e ka konsideruar si lajm të merituar dhe një hap hap drejt vendimit final nga Parlamenti Europian dhe Këshilli i Ministrave të BE-së.
Brenda këtij viti, kosovarët do të mund të lëvizin pa viza në Zonën Schengen. Së paku kështu ka deklaruar Kryeparlamentari Kadri Veseli, pas votimit të Komitetit LIBE, pro liberalizimit të vizave.
Veseli ka thënë se Kosova i ka plotësuar të gjitha kushtet për liberalizim.
Deklaron se votimi i LIBE-s pro liberalizimit është një lajm i merituar për qytetarët dhe një hap drejt vendimit final nga Parlamenti Europian dhe Këshilli i Ministrave të BE-së.
Ky është postimi i plotë i Veselit:
Komisioni LIBE ka votuar pro liberalizimit të vizave. Ky është një lajm i merituar për qytetarët dhe një hap drejt vendimit final nga Parlamenti Europian dhe Këshilli i Ministrave të BE-së. Kosova i ka plotësuar të gjitha kushtet dhe ne presim që brenda këtij viti qytetarët tanë të lëvizin pa viza në Zonën Schengen.
