Ushtron dhunë ndaj bashkëshortes në prani të fëmijëve, arrestohet nga policia.
“Këtë të martë, specialistët e Seksionit për parandalimin dhe hetimin e krimeve në Komisariatin e policisë Lezhë, arrestuan në flagrancë 49-vjeçarin Vitor Luca, banues në Lezhë”, njoftoi Policia.
Ai akuzohet se ka ushtruar në mënyrë të përsëritur dhunë fizike dhe psikologjike ndaj bashkëshortes së tij, edhe në prani të fëmijëve, shtuan të njëjtat burime.
Materialet në ngarkim të 49-vjeçarit i kaluan Prokurorisë së Rrethit Gjyqësor Lezhë, për veprime të mëtejshme. Ndaj Lucës rëndon vepra akuza për veprën penale “Dhuna në familje” parashikuar nga neni 130/a/4 i Kodit Penal.
