ALPENews.al ka vendosur që sot destinacion të ditës të përzgjedhë qytetin historik të Lezhës.
Lezha (ose ndryshe siç në periudhën iliere quhej Lissitan dhe disa vite më vonë thjeshtë LISS) prej vitesh tashmë është pjesë e guidave turistike përmbledhëse në të gjithë pjesën veri-perëndimore të Shqipërisë.
Thuasje shumë afër me qytetin e Shkodrës, Lezha gjithnjë ka qenë epiqendër e shkëmbimit të mallrave tregtarë përgjatë historisë.
Porti i Shëngjinit është një prej pikave hyrëse më të rëndësishme portuale (pas Durrësit, dhe Vlorës).
I vendosur në një skaj tepër të bukur, edhe plazhi i Shëngjinit është pjesë e hartës së qytetit veri-perëndimor.
Lezha për shumë vite me radhë është listuar si një prej qyteteve më të pastërta por natyrisht ka patur probleme me infrastrukturën, shërbimin hotelerik, apo sipërmarrjen.
Por çfarë thonë turistët për qytetin historik të Lezhës? Ne kemi përzgjedhur katër (4) komentet më “pikante” nga gjigandi mediatik turistik “Trip Advisor”.
Komenti nr.1
Në Lezhë sigurohuni të ikni tek Kalaja. Aty me të vërtetë ia vlente, kishte pak mangësi në organizimin e guidave dhe të ciceronëve por pjesa më e madhe ishte mirë.
Komenti nr.2
Përveç Kalasë në Lezhë e keni të vështirë të gjeni diçka tjetër atraktive. Mund të vizitoni rreth e përqark por nuk është se qyteti është i zhvilluar, aq sa duhej të ishte. Pastaj edhe mbeturinat janë problem aty. Nuk kishte një vend të caktuar se ku t’i dërgoje.
Komenti nr.3
Kur shkon tek varri i heroit kombëtar të Shqipërisë, Skëndërbeut të jep pamjen e një kisfe të vogël. Po po, kështu trajtohej ai vend. Edhe pse ishte pak me problem në infrastrukturë, por le të themi që duhe ta vizitoni nëse do të ikni në Lezhë.
Komenti nr.4
Le të jemi të sinqertë. Ai varr është thjeshtë një godinë me katër mure, por që rëndësia historike është goxha e madhe. Edhe pse ishte qejf ta shikoje nga afër, asgjë tjetër nuk të frymëzonte tek ky vend.
Ky material është përgatitur nga redaksia e ALPENews.al, për “Summer 2018”.