Rama tha se të lodhurit do të ulen në stolin e rezervave, por ndryshimet në qeveri kanë nisur me afrime dhe jo largime. Dy zëvendës ministra të rinj janë emëruar sot me vendim të Këshillit të Ministrave. Të dy janë emëruar në Ministrinë e Drejtësisë. Bëhet fjalë për Adea Pirdeni, pedagoge e së Drejtës Publike dhe Klajd Karameta, jurist dhe një prej pesë ekspertëve që kanë punuar për reformën në drejtësi në Shqipëri.
Sot gjatë prezantimit të dy zëvendës ministrave të rinj të Drejtësisë, të miratuar me vendim të Këshillit të Ministrave, znj. Adea Pirdeni dhe z. Klajd Karameta. I uroj suksese të dy kolegëve që janë bërë pjesë e ekipit drejtues politik për të vijuar në përmbushjen e prioriteteve në fushën e drejtësisë. Jam e sigurt që të dy zëvendës ministrat e sapoemëruar do të jenë vlerë e shtuar në zbatimin e agjendës së Ministrisë së Drejtësisë dhe Qeverisë Shqiptare, u shpreh Gjonaj. Emrat e rinj kanë zënë vendet e Toni Gogu, i cili u bë pjesë e Bashkisë së Tiranës me detyrën e kreut të këshillit Bashkiak, dhe të Fjoralba Caka e cila dha dorëheqjen pak kohë më parë për arsye personale.
