Zëvendës ministrja e Shëndetësisë, Mira Rakacolli ka zhvilluar një takim me mjekët e Urgjencës në QSUT, pas letrës së këtyre të fundit drejtuar kryeministrit, presidentit të Republikës dhe ministres së Shëndetësisë, ku njoftonin dorëheqjen për shkak të kushteve të rënda në punë. “BalkanWeb” mëson se takimi mes mjekëve dhe zv. ministres vijon prej 30 minutash. Burime nga drejtoria e QSUT bëjnë me dije për “BalkanWeb” se nuk ka mbërritur asnjë letër për dorëheqje.
“Tërhiqemi nga pozicioni i punës. Nuk ka kushte pune për stafin mjekësor dhe ka mbingarkesë me të sëmurë të shtruar. Ka mungesë vendesh në pavianët e tjera dhe shërbimet nuk zbatojnë urdhrat. Po paralajmërojmë sipas kodit të punës 30 ditë përpara”- thuhet ndër të tjera në lerën e mjekëve të Urgjencës së QSUT.