Të nderuar protestues opozitarë,
Po ju drejtohem juve si një një nga ish studentët e Lëvizjes së Dhjetorit të vitit 1990. Nderkohe qe jam nje emigrant shqiptar si dhe shtetas i nje vendi tjeter perendimor dhe megjithese larg nga atdheu prape me mendje dhe zemer ndjehem prane vendit tim Shqiperise ashtu si edhe shume emigrante te tjere shqiptare kudo ne bote.
I bashkohem shqetesimit tuaj per standartet demokratike te jetes ne vendin tone te cilat tashme pothuajse po bejne plot 30 vjet dhe akoma nuk i kemi vendosur. Ndjej kenaqesine e madhe kur shikoj se sa energji te pashtershme populli yne ka per te ndryshuar Shqiperine pergjithmone, nga nje vend i kalbur ekonomikisht me nje diktature te cmendur staliniste, ne nje vend te vertet demokratik ku te ekzistoje ligji dhe liria e fjales.
Dikur, perjetova me shume emocione naten e pare te Levizjes se Dhjetorit si dhe te gjitha protestat e mepasshme te saj, por edhe procesin e ndertimit te demokracise se brishte qe po vendosej pas saj derisa u largova perfundimisht ne maj te 1997.
Dua te ndaj me ju dicka qe ne fakt nuk e kam bere publike me pare ne kete menyre qe po e bej tani. E kuptoj se shume prej jush mund te me gjykojne per humbje modestie, por une ndjehem ne te njejtat emocione kur u ndjeva edhe dikur, pikerisht me 8 dhjetor 1990. Eshte ndjesia qe une e respektova dhe qe me beri te ndjehem teper i gezuar qe kjo “cmenduri” e imja per ate kohe u perqafua nga shume te tjere, biles edhe ne ditet e sotshme.
Une jam ish-studenti qe mendova, formulova dhe thirra per here te pare “E duam Shqiperine si gjthe Evropa”. Ishte dicka aspak e thjeshte per ato ore te veshtira kur protesta jone studentore sapo kishte nisur dhe kur nuk i dihej aspak fundi per kedo qe merrte pjese ne ate proteste. U detyrova te ndaj kete moment me ju pasi nuk po ndjej me aspak qetesine me veten time kur degjoj se si kjo shprehje, e dale nen terrorin qe shperndate diktatura me e eger e Evropes, te kthehet sot ne parrulle per te ndertuar ne fakt nje mur per nje qellim te kundert. Ate te mbajtjes se Shqiperise larg Evropes. Ndjehem tmerresisht i fyer e teper i lenduar kur shikoj se si kjo enderr e vjeter e popullit shqiptar te merret neper kembe ne kete fare feje nga nje grup njerez qe kane ne fakt te gjithe Evropen (Ameriken po se po!) kunder.
Të nderuar vëllezër dhe motra simpatizantë të partive opozitare!
Pak me lart u shpreha se sa i gezuar ndjehem kur shikoj energji te pashtershme qe populli yne ka per te bere ndryshimin e duhur. E kuptoj zhgenjimin e shume prej jush per mosmarrjen pjese ne zgjedhjet e qershorit dhe i bashkohem shqetesimit tuaj. Megjithate, une shikoj anen positive te saj. Mendoj se gjithe energjia e juaj, duke konsideruar te gjitha vlerat demokratike qe ajo mbart, duhet te drejtohet ne fakt ne nje drejtim tjeter. Duhet qe perfundimisht te hedhe poshte, pa as me te vogln medyshje, gjithe SHPUREN DREJTUESE te nje levizje qe eshte quajtur “opozitare” qe ne fakt eshte opozitare per ligjet qe Evropa dhe Amerika jane duke vendosur sebashku ne Shqiperi. Vendin tone qe e duam si Evropa, nje grup njerezish, qe kane edhe mundesine te ndihmojne qe kjo te behet realitet, ne fakt punojne qe kjo te mos ndodhe. ¸
Ky grup qokash, qe vetquhet grupi udheheqes opozitar , ka aplikuar me sukses te plote metoda antidemokratike ne partite e tyre per vetzgjedhjen e tyre apo te mekanizmave qe i mbajne ata ne pushtet. Napolon Bonaparti ka thene “ Nje udheheses, qe te jete i tille, duhet te jete gjithashtu nje udheheqes per shpresen”. Ky grup qokash nuk sjell shprese per Shqiperine!! Ky grup qokash groposi shpresen tone qe Shqiperia te jete si Evropa per 30 vjet me radhe. Kjo bande qe fshihet pas flamurit dhe perkrenares se Skenderbeut ka mbjellur harbuterine dhe antiligjin ne cdo qoshe te pallatit te drejtesise shqiptare.
Ata jane te deshperuar per hapat e shpejte te reformes se drejtesise e manaxhuar plotesisht nga nderkombetaret. Kjo reforme jo vetem qe do te mundesoje ballafaqimin e tyre me ligjin, per mekatet qe kane bere, por do te krijoje infrastrukturen e duhur bashkekohore ligjore dhe demokratike ku njerezit me te mire te drejtojne partite (te gjitha partite, EDHE TUAJEN!) nepermejt votes se lire dhe ku aftesia e gjithesecilit te vleresohet jo nepermjet forces se muskujve por asaj te arsyes. Eshte kjo reforme qe ne fakt do te garantoje flakjen e tyre pa kthim nga partite e sotshme qe kane 30 vjet qe i kane mbyllur neper “thase” dhe qe perdoren thjesht per xhepat e tyre. Ky eshte edhe ankthi i tyre.
Dita e 30 qershorit eshte dita vendimtare qe do te shkepuse perfundimisht Shqiperine nga kalvari i gjate e i mundimshem i nje tranzicioni qe ne fakt ka humbur edhe kuptimin e kesaj fjale pasi dhjetera vite kane ikur dhe sot po na duken si planet e dikurshme 5-vjecare te diktatures. Te gjithe sebashku e kemi ne dore te bejme ndryshimin e madh duke shkuar ne zgjedhjet e mirepritura dhe te mbikqyrura nga gjithe bashkesia nderkombetare dhe ku gjithsecili te mund te mbeshtese alternativen e vet me te mire per qeverisjen lokale.
Ndrekohe, i vetedijshem se kjo do te ndodhe menjehere pas 30 qershorit pasi nuk ka zgjidhje tjeter per nje popull evropian qe ka paguar cmimin e lirise me shume se cdo komb tjeter prane nesh, nje riorganizim i nje opozite te vertet do te beje te mundur qe Shqiperia jone te behet si Evropa pa humbur kohe por jo vetem kaq. Do te jape mundesira te barabarta per te gjitha partite politike qe PERFAQESOJNE popullin te marin drejtimin e vendit nepermjet proceseve zgjedhore plotesisht demokratike.
Me respekt,
Adrian Kokthi
Ish-student i Lëvizjes së Dhjetorit
Ish-Inxhinjer i Nxjerrjes së Naftës dhe të Gazit
Arsimtar në Shkollat e Mesme
Toronto, Kanada