Artistet dhe përfaqësuesit e shoqërisë civile pas konfrontimit me forcat e rendit kanë arritur të futen në ambientet e brendshme të Teatrit Kombëtar, duke kaluar nga një dritare në pjesën anësore të godinës.
Gazetarja e “Panorama”, Anila Dedaj bën të ditur se artistët pasi u futën në ambientet e Teatrit kanë hapur portën kryesore, ç’ka mundësoi dhe hyrjen brenda të pjesës tjetër të protestuesve.
Ndërkohë që një qytetar ka mbetur i lënduar në tentativën për t’u futur në ambientet e Teatrit.
Ai është rrëzuar në pishinën boshe që është midis dy godinave. Qytetari ka marrë ndihmën e parë nga protestuesve, ndërkohë që ka qëndruar i pa lëvizur deri ën mbërritjen e ambulancës.
