Rusia nuk sheh probleme në qëllimet e vendeve të Ballkanit për të qenë pjesë e Bashkimit Evropian.
Por kreu i diplomacisë ruse, Sergej Lavrov, thotë se këto vende, pa presion të jashtëm, duhet të vlerësojnë nëse parakushtet e Unionit u përgjigjen interesave të tyre kombëtare.
“Nuk shohim kurfarë probleme në atë që shtetet ballkanike dëshirojnë të bëhen anëtare të BE-së.
Gjithsesi, ato duhet vetë, pa presion të jashtëm, të vlerësojnë se sa parakushtet e propozuara për anëtarësim në BE u përgjigjen interesave të tyre kombëtare.
Gjithsesi, aspiratat e shteteve ballkanike për eurointegrimin nuk duhet të paraqesin pengesë për bashkëpunimin e tyre me vendin tonë. Nëse ekziston dëshirë, çdoherë mund të gjendet formë e pranueshme e ndërsjelltë bashkëpunimi”, deklaroi Lavrov në një intervistë për revistën bullgare “Marrëdhëniet ndërkombëtare”.
