Në rubrikën tonë të përditshme “Spring në Alpe” kemi zgjedhur t’iu sjellim pamje nga Shëngjergji në Tiranë.
Shëngjergji është një fshat në komunën Shëngjergj në rrethin e Tiranës. Ndodhet 35 km në lindje të Tiranës.
Kujtojmë që vitet e fundit Shëngjergjit i është kushtuar një vëmendje e veçantë, nëpërmjet festave lokale që janë oraganizuar aty, ku përmendim “Festën e Domates”, që krijon një atmoferë shumë gjallëruese në këtë zonë.
Rekomandohet ta vizitoni këtë zonë që ka pamje të mrekullueshme me terrenet kodrinore dhe malore. Zona e Shëngjergjit është e pasur me burime të shumta ujore dhe liqene.
AlpeNews.al ju sjell pamje nga Shëngjergji në periferi të Tiranës.
Mendohet se në shekujt XII-XIV quhej “Tomadhe” ose “Tame Dea” – Perëndeshë e Burimeve Ujore “. Pas vitit 1600, mori emrin ” Shëngjergji “.
Në territorin e Shëngjergjit ka shumë kisha. Ekzistenca e emrave të fshatrave Shëngjergji, Shënmëri, Shëngjin, si vendbanime të vjetra; fshatrat e banuara në ditët e sotme janë afër njëri-tjetrit dhe kanë emrat e dhjetra shenjtorëve.
Përgatiti: AlpeNews.al
