Nëse jeni duke kërkuar të blini një laptop të përshtatshëm për punë, me siguri që do të mendoni të merrni versionin e ri Surface Pro nga Microsoft, apo MacBook Pro nga Apple.
Surface Book është kompjuter që mund të përdoret edhe si tablet, pasi ekrani mund të shkëputet nga tastiera, gjë që nuk ofrohet nga Apple në laptopët e saj. Sa i përket madhësisë së ekranit, Microsoft ofron laptop me madhëi prej 13.5 inçësh, kurse MacBook Pro vjen me 13 ose 15 inç.
Sa i përket dizajnit, Apple është treguar më efikase, sepse MacBook është më profesional dhe i përshtatshëm. Në anën tjetër, Surface mundëson shkëputjen nga tastiera, por kjo bën që kur të mbyllet të mbetet një hapësirë në mes të dy pjesëve.
Te portet për integrim të pajisjeve të tjera fiton Surface, pasi pajisjet e Apple janë të limituara në këtë aspekt, kurse te ekrani kualiteti është i barabartë, pasi Mac ka shumë kualitet të fotografisë, por Surface është Touch dhe ka rezolucion më të madh.
Edhe te tastiera Surface vlerësohet pak më mirë, edhe pse dallimet janë shumë të vogla, ndërsa për dizajnerët Surface është më i përshtatshëm për shkak se ka laps të integruar special dhe përdorimi si tablet jep më shumë opsione.
Surface, befasisht, është më i mirë edhe te bateria, por sa i përket performancës – ndër gjërat më me rëndësi – kualiteti është i barabartë, varësisht prej procesorit që bleni.
Faktor përcaktues është edhe çmimi, pasi laptopi i Apple është më i shtrenjtë se rivali i tij kryesor, edhe pse Microsoft nuk mund të quhet pajisje e lirë. Çmimi i Surface është rreth 1000 dollarë.
Prndaj, në përgjithësi, laptopi Surface Book i Microsoft është fitues kundër konkurrentit më të madh, Apple MacBook Pro.
