E bujshme! Armando Sadiku drejt La Liga-s në Spanjë. Sipas “Cadena SER”, Levante është e interesuar për sulmuesin e Kombëtares së Shqipërisë.
Sipas medias spanjolle, Levante është gati të paguajë 1 milion euro për kartonin e Armando Sadikut.
Sulmuesi 26-vjeçar u transferua në verë te skuadra e Legia Varshavë në Poloni, për 750 mijë euro.
Në fakt, nuk është vetëm Sadiku, alternativë për sulmin e Levante-s, sepse përveç tij, klubi spanjoll kërkon edhe shërbimet e Giampaolo Pazzini të Verona-s.
Gjatë këtij sezoni, Sadiku nuk ka mundur të gjejë vend fiks në formacionin e Legia-s, ndërsa transferimi te Levante, do të ishte hapi më i madh në karrierën e tij futbollistike.