Prokurorja e Përgjithshme, Arta Marku, i dërgoi një kërkesë Prokurorisë që të nisë vlerësimet, sa i përket përhapjes së lajmit fals për tërmetet, mbrëmjen e djeshme.
Lajmi fals mbrëmjen e djeshme, se në orën 23:30 do të godiste vendin një tërmet i fuqishëm 6 ballë, bëri që të shpërthente paniku, ndërsa qytetarët në shtëpitë e tyre dhe dolën në rrugë.
Njoftimi i plotë:
Prokurorja e Përgjithshme znj. Arta Marku kërkoi nga Pokuroria pranë Gjykatës së Shkallës së Parë Tiranë, vlerësimin e menjëhershëm ligjor në lidhje me dyshime për përhapjen në publik të informatave/njoftimeve të rreme që ngjallin panik dhe pasiguri tek qytetarët.
Në mbështetje të neneve 38 dhe 50/1 të Ligjit nr.97/2016 ”Për Organizimin dhe Funksionimin e Prokurorisë në Republikën e Shqipërisë”, pa cënuar sekretin hetimor Prokurorja e Përgjithshme znj. Arta Marku kërkoi gjithashtu informacion në lidhje me mënyrën e trajtimit të materialit.