Bota e futbollit u zgjua ditën e sotme me një lajme tepër shokues. Faqja e parë e “Corriere dello Sport” sot ka folur për trajnerin e Bolonjës, Sinisa Mihajloviç, i cili për shkak të problemeve shëndetësore është i detyruar që të tërhiqet. Gjatë pasdites së sotme Mihajloviç do të shpjegojë gjithçka , në një konferencë për shtyp në Casteldebole. Gjithsesi për një periudhë të caktuar kohore ai nuk do të jetë në gjendje për të drejtuar ekipin, dhe do t’i nënshtrohet një terapie.
Ende nuk është i qartë problemi shëndetësor i Sinisa Mihajlovic dhe as sa kohë duhet të qëndrojë larg profesionit të tij. 50-vjeçari do ta shpjegojë personalisht problemin e tij. Në sezonin e fundit e mori ekipin në një moment delikat, duke siguruar mbijetesën disa javë para përfundimit të kampionatit. Tani skuadra duhet ta ndihmojë trajnerin serb, marrë nga “sportmediaset”.
