Një zhdukje masive e njerëzimit do të fillojë në vitin 2100, kanë pohuar shkencëtarët.
Deri në fund të shekullit, frikësohet se do të shtohet aq shumë sasi e karbonit në oqeane sa që planeti do të jetë në “prag të katastrofës”, e cila do të çojë në zhdukjen e specieve tona.
Në 540 milionë vitet e fundit, planeti ka përjetuar pesë zhdukje të tilla përfshirë edhe zhdukjen e dinozaurëve,.
Katastrofa më e keqe ndodhi 252 milionë vjet më parë dhe njihet si Vdekja e Madhe. Kjo fatkeqësi vrau më shumë se 95% të jetës detare kur detet papritmas u bënë më acidik.
Tani gjeofizisti Prof. Daniel Rothman thotë se po e shohim një paralel shqetësues sot – këtë herë për shkak të ngrohjes globale të shkaktuar nga njeriu.
Ai nxori një formulë të thjeshtë matematike që parashikon se oqeanet së shpejti do të kenë aq shumë karbon, sa që zhdukja është e pashmangshme.
Formula tregoi se shuma kritike shtesë e kërkuar (e karbonit) është rreth 310 gigatonë – që është skenari më i mirë i parashikuar nga Paneli Ndërqeveritar për Ndryshime Klimatike.
Në të gjitha skenarët, studimi zbuloi se deri në fund të shekullit, cikli i karbonit do të jetë ose afër ose përtej kufirit për katastrofë.
Megjithëse zhdukja masive mund të mos fillojë menjëherë në fund të shekullit, bota mund të rrëshqasë në “territor të panjohur”. Rothman, nga Instituti për Teknologji në Masaçusets, thotë se do të duhej edhe ca kohë rreth 10,000 vjet që një katastrofë e tillë ekologjike të shmangej.
Ai tha:
“Kjo nuk do të thotë se fatkeqësia do të ndodh nesër. Do të thotë që nëse nuk kontrollohet cikli i karbonit do të lëvizte në një fushë që nuk do të ishte më i qëndrueshëm dhe do të sillej në një mënyrë që do të ishte e vështirë të parashikohej”.
“Në të kaluarën, ky lloj i sjelljes është lidhur me zhdukjen masive”, tha ai, transmeton Gazeta Express. Në epokën moderne, emetimet e CO2 janë rritur vazhdimisht që nga shekulli 19, por deshifrimi nëse kjo mund të çojë në zhdukje masive, ka qenë sfidues.
Njerëzit kanë lëshuar 1,540 miliardë tonë CO2 që nga Revolucioni Industrial – ekuivalent me djegien e mjaftueshme të thëngjillit për të formuar një kullë katrore 72m të gjerë, duke u shtrirë 240,000km nga Toka në Hënë.
Gjysma e tyre kanë mbetur në atmosferë, duke shkaktuar një rritje në nivele të paktën 10 herë më shpejt se çdo rritje e njohur natyrore gjatë historisë së gjatë të Tokës.
Shumica e gjysmës tjetër është tretur në oqean – duke shkaktuar acidifikim. A do të çojë kjo në zhdukje të njerëzimit?
