Ish ministri socialist i Mbrojtjes Luan Hajdaraga, ka pësuar një goditje në zemër që sipas mjekëve klasifikohet si parainfarkt.
Lajmi konfirmohet ekskluzivisht për Alpenews.al nga burimet tona në Maqedoni.
z. Hajdaraga ka qenë në Gostivar në momentin që ka pësuar sulmin kardiak.
Ai është një nga pedagogët më të njohur që nga Shqipëria jep mësim në universitetet shqiptare në Maqedoni, i cili mësohet se ka qenë edhe shkaku i këtij udhëtimi nëpër ngrica e borë e temperatura shumë të ulëta të motit të sotëm atje.
Taulant Balla, kryetari i Grupit Parlamentar Socialist mësohet se është ngarkuar direkt për tu marë me menaxhimin e kësaj situate shëndetësore të ish deputetit të njohur socialist, që ka mbajtur edhe portofolin e ministrit të Mbrojtjes së Shqipërisë gjatë kohës së luftës në Kosovë, më 1999.
Një helikopter është nisur posaërisht me urgjencë për të marë z. Hajdaraga dhe për ta transportuar në një nga spitalet e Tiranës për mjekim më të specializuar.
Përgatiti: Alpenews.al
