Kanë dalë negative analizat për COVID-19 e 7 punonjësve të Shërbimit të Urgjencës Pukë.
Punonjësit e Urgjencës ishin karantinuar dhe kishin kryer testin për koronavirus, që fatmirësisht ka rezultuar negativ.
Lajmin e ka bërë të ditur Bashkia Pukë në rrjetet sociale, duke dhënë lajmin e mirë, me punonjësit që pritet t’i rikthehen punës së tyre në ‘luftën’ me COVID-19.
“Mirmengjes me këtë lajm fantastik
Autoritetet e Shëndetit Publik në Pukë sapo na kanë konfirmuar lajmin e mirë se asnjë nga shtatë punonjësit e Shërbimit të Urgjencës ne Pukë, që u karantinuan nuk është prekur nga COVID-19.
Pas analizave të kryera kanë rezultuar COVID-Negativ.
Faleminderit ZOT! Bashkë mund t’ja dalim!”, shkruhet në njoftimin e Bashkisë Pukë.
