Studiuesit e Stanfordit kanë zhvilluar një Inteligjencë Artificiale (IA) që mund të parashikojë se kur një pacient mund të vdesë, me një saktësi deri në 90 përqind.
Idea mund të tingëllojë shqetësuese por ekipi që qëndron pas kësaj pune thotë se ajo mund të përmirësjë shumë në kujdesin që duhet të tregohet për pacientët dhe familjarët e tyre, të cilët mund t’i plotësojnë atij dëshirat e fundit para se të vdesë.
Duke përcaktuar me saktësi se kur një pacient i rëndë mund të pushojë së jetuari, mjekët mund t’i japin atij përparësi dhe të sigurohen që ta mbajnë në jetë para se të jetë shumë vonë.
Në studimin e ri të botuar nga arXiv, ekipi Stanford shpjegon se shpesh ka një mospërputhje të madhe mes mënyrës se si një pacient dëshiron ta jetojë pjesën e mbetur të jetës dhe se si ai e jeton në të vërtetë.
Sipas studiuesve, afërsisht 80 për qind e amerikanëve duan të kalojnë ditën e tyre të fundit në shtëpi por, 60 për qind e tyre përfundojnë duke vdekur në spital.
Ekipi i Universitetit të Stanfordit trajnoi një rrjet nervor me të dhënat elektronike shëndetësore nga Spitali Stanford dhe spitali Lucile Packard Children, që përfshin rreth 2 milionë pacientë të rritur dhe fëmijë, sipas IEEE Spectrum.
Një prej mjekëve të specializuar Anand Avati tha:
Ne mund të ndërtojmë një model parashikues për vdekjen duke përdorur të dhëna operacionale të shëndetit të mbledhura në mënyrë. Kjo na lejon të përcaktojmë shkallën e vdekshmërisë të pacientit me të gjitha shkaqet, si në rastet e sëmundjeve ose shkaqe të tjera.”
Ky zbulim i ndihmon pacientët që ta planifikojnë vetë fundin e jetës së tyre. Por, kriteret për të vendosur se cilët pacientë përfitojnë nga kjo mund të jenë të vështira për t’u përcaktuar.
Avati theksoi:
Qasja jonë përdor teoritë për të parë pacientët e një spitali dhe për të vendosur se kur do të kenë më shumë nevojë për kujdes paliativ. Algoritmi i kësaj parashikon vdekshmërinë e një pacienti të caktuar brenda 12 muajve të ardhshëm.”