Si nismë për të shprehur solidaritet me gratë në cikël menstrual, një bar në Izrael ka vendosur t’u ofrojë atyre 25% zbritje në pije.
Dy gratë, të cilat erdhën me këtë ide në qytetin Jaffa, thonë se “ora e përgjakshme” është miratim se gratë në cikël menstrual meritojnë favor.
Ato shpresojnë se tema e menstruacioneve do të diskutohet edhe më hapur, përfshirë nga burrat.
Pronarët e barit “Anna Loulou” kanë thënë se meqë gratë janë në cikël menstrual 25% të jetës së tyre, ato meritojnë zbritje për të paktën një natë.
“E tërë ideja është për të ofruar zbritje, vëmendje dhe për ta qerasë dike, për të thënë ‘ne ju njohim, ne jemi në dijeni për situatën e veçantë në të cilin ndodheni momentalisht, dhe hej, duam t’ua bëjmë një nder”, ka thënë Moran Barir për gazetën izraelite “Haaretz”.
Barir ka shpjeguar se ideja kishte lindur kur në bar ajo kishte porositur verë dhe baristi nuk e kishte ditur nëse ajo po kërkonte të kuqe apo bardhë.
“I thashë thjesht ‘kështu e mban mend: ‘Jam në cikël menstrual, prandaj ma sjell një të kuqe’”, ka shpjeguar ajo.
/AlpeNews.al/