Sot në orën 17:00 do të mblidhet Kuvendi i Shqipërisë në seancën e posaçme për të votuar ngritjen e komisionit hetimor për shkarkimin e Presidentit Ilir Meta. Fillimisht seanca ishte parashikuar për në orën 18:00, por duke pasur parasysh fatin që në 20:00 nis protesta e 10-të kombëtare e opozitës, shumica e afroi me 60 minuta seancën.
Në krye të komisionit hetimor për shkarkimin e kreut të shtetit pritet që të jetë kryetari i Komisionit të Ligjeve, Ulsi Manja. Ndërkohë që pritet për t’u parë si do të veprojë grupit demokrat i drejtuar nga Rudina Hajdari, pasi deputetja kërkoi kohë.
“Nuk është momenti për hetimin e Metës . Nëse presidenti ka shkelur Kushtetutën mund të vërtetohet në një moment më normal” tha ajo, duke e cilësuar si personal konfliktin Rama-Meta. Ndërkohë që në seancën e së enjtes, deputetët Myslim Murrizi dhe Ralf Gjoni e kushtëzuan votën me reformën zgjedhore.
Shumica e bazon nismën për shkarkimin e Metës te vendimi për të zhdekretuar datën e zgjedhjeve të 30 Qershorit, dekret që sipas PS-së është jo Kushtetues. Në fund të të gjitha procedurave parlamentare, edhe nëse kërkesa miratohet në Kuvend me 94 vota, do të jetë Gjykata Kushtetuese që do të thotë fjalën e fundit për kreun e shtetit.
