Parlamenti pritet t’i rikthehet normalitetit të plotë në seancën plenare të kësaj të enjteje, në orën 10:00.
Deputetët e krahut të Sali Berishës pas pesë muajsh zhurmë, bilbila dhe kaos do të heqin dorë nga aktet e rrëmujës, ndërsa pritet te bashkojnë votat me socialistët për ngritjen e dy komisioneve hetimore parlamentare, të darkordësuara më parë me mazhorancën.
Kryeministri Edi Rama, gjatë fjalës në Asamblenë e Partisë Socialiste që u mbajt në Durrës të dielën që shkoi u shpreh se mazhoranca nuk ka qenë kundër kerkesave të opozitës për ngritjen e komisioneve hetimore, por shtoi se objekti i kërkesës nuk ka qenë në përputhje me kushtetutën.
“Prandaj edhe dy ato komisione hetimore, brenda kornizës kushtetuese, mund ti kishim votuar me kohë dhe me vakt, nëse nuk do ishin kërkuari qorrazi jashtë asaj kornize”, u shpreh ai
Dy komisionet hetimore që pritet të ngrihen janë për rrjedhjen e të dhënave nga sistemi TIMS, si edhe për PPP-të në Shëndetësi, konkretisht kontratat publike të check up-it dhe sterilizimit./