Sot në orën 10:00 Kuvendi ka nisur seancën plenare ku në fokus janë akti normativ për buxhetin e vitit 2025 dhe ndryshimet në Kodin Penal.
Luçiano Boçi ka folur i pari teksa ka ngritur pretendime se përfshirja e 19 projektligjeve në një seancë të vetme nuk është normale.
“Kjo është ta bukosësh Parlamentin. janë 19 projektligje, hajde shtojmë seancat. Janë projektligje që kërkojnë debat, nuk mund të kalojnë kështu” – tha Boçi.
Ndërkohë Taulant Balla tha se: “edhe pse duket sikur kemi bërë ndonjë marrëveshje, bazuar në rregullore, do të kërkoja shtyrjen e 4 projektligjeve të përfshira në rendin e ditës për seancën pasardhëse. Duhet lehtësuar kalendari i sotëm”.
