Gjykata Kushtetuese vendosi këtë të hënë të rrëzojë kërkesën e deputetëve të Partisë Demokratike për ngritjen e një Komisioni Hetimor Parlamentar lidhur me çështjen McGonigal.
Vendimi u dha pas shqyrtimit të ankimit të paraqitur nga përfaqësuesit e opozitës, të cilët kishin kundërshtuar refuzimin e Kuvendit për ngritjen e dy komisioneve hetimore parlamentare. Bëhet fjalë për komisionin hetimor për çështjen McGonigal dhe atë për procesin zgjedhor të 11 majit.
Gjykata Kushtetuese vendosi të mos pranojë pretendimet e paraqitura nag demokratët , duke lënë në fuqi vendimmarrjen e mëparshme për mosngritjen e Komisionit Hetimor Parlamentar për çështjen McGonigal.
