Ambasadorja e Shteteve të Bashkuara të Amerikës në Tiranë Yuri Kim ka reaguar në lidhje me procesin e vettingut në Shqipëri, ku thotë se është dakord që të shkarkuarit duhet të ndiqen penalisht.
Ambasadorja e SHBA, Yuri Kim shkruan në llogarinë e saj në Twitter se është dakord me atë që tha kreu i Grupit të Partisë Socialiste, Taulant Balla ditën e djeshme në Parlament në lidhje me procedimin e gjyqtarëve dhe prokurorëve të shkarkuar nga vettingu dhe se magjistratët aktual duhet të ndalojnë me pazaret me drejtësinë.
“Që kur ka filluar Vettingu, asgjë gjyqtar apo prokuror i vetëm nuk është ndjekur penalisht apo dënuar. Nevoja për të hetuar korrupsionin gjyqësor, përtej Vettingut, është përfshirë në kushtet e përcaktuara nga BE për hapjen e bisedimeve të pranimit në BE”, thuhet në mesazhin e ambasadores Yuri Kim.
