Kanë qënë ditë vërtetë tragjike, e aq më shumë për qytetin e Shkodrës, aty ku të pajetë shkuan trupat e një babai dhe tre fëmijët e tij.
Çka e bën më tragjike këtë ngjarje është dhe ajo çka ka nxjerrë deri më tani hetimi i shkaqeve të aksidentit.
Si ndodhi aksidenti: Pas përfundimit të ekspertizës, grupi hetimor për aksidentin tragjik në Aksin Shkodër-Velipojë ku humbën jetën babai dhe 2 fëmijët e u plagosën 4 të tjerë. Sipas ekspertizës, shkak për aksidentin është bërë parakalimi i gabuar i mjetit ‘Alfa Romeo’ ku ndodheshin 5 anëtarët e familjes Preka.
Vijimi: Menjëherë u mësua se babai i tre fëmijëve dhe foshnja 8 muajshe mbetën të vdekur në vend. Pas tyre, edhe vajzat 5 dhe 10 vjeçe.
Edmond (Gjergj) Preka, mbante dy mbiemra, arsyeja e së cilës është ende e paditur.
Ngërçi i parë i ngjarjes: Në rrugën e plazhit në Velipojë, fuoristrada është futur në parakalim të gabuar, madje ka qenë me shpejtësi, ndërsa mungesa e ndriçimit ka bërë që të përplaset me ‘Alfa Romeon’ që po udhëtonte familja Preka.
SOKOL MUJAJ drejtuesi i fuoristradës së përfshirë në aksidentin e Shkodrës rezulton një person me precedent penal. Ende nuk dihet se përse kjo ngjarje nuk po sqarohet, pasi hetimet nuk kanë dalë në një rezultat përfundimtar për ngjarjen.
Ekspertiza nxori fajtor viktimën
Ekspertët rrugor kanë nxjerrë fajtorë Edmond Prekën (viktimë e aksidentit) për parakalim të gabuar, por ka dyshime se nuk është kryer siç duhet ekspertiza. Dyshimet janë shtuar edhe për faktin se Ndrek Gjergji që drejtonte makinën fuoristradë dhe Sokol Mujaj, pronari i mjeti, kanë qënë në një lokal në zonën e Velipojës para se të ndodhte aksidenti. Gjergji dhe Mujaj dyshohet se kanë konsumuar sasi alkooli para aksidentit, ndërkohë që Policia e Shkodrës thotë se shoferi i fuoristradës, nuk ka qënë i dehur.
“Ngatërresa” e policisë: Dyshimet për manipulim të vendit të ngjarjes janë shtuar edhe për faktin se në njoftimin parapak Policia e Shkodrës tha se shofer i automjetit foristradë ishte Sokol Mujaj, ndërsa në një njoftim të dytë u bë me dije se shofer ishte Ndrek Gjergji. Sokol Mujaj dhe Ndrek Gjergji që ishin në autmojetin foristradë janë dy persona me precedent të mëparshëm penal. Sokol Mujaj ka qënë i dënuar më parë për trafik raketa, ndërsa Ndrek Gjergji i hetuar për drogë.
Viktimat e aksidentit tragjik të familjes Preka
Emond Preka
Rajan Preka (9 muajsh)
Ajsel Preka (5 vjeç)
Noem Preka (10-vjeç)
/AlpeNews.al/
